|
SubscriptionsSites I Read
|
|
|
|
| 尋晚出左去飲野，無睇到溏心風暴大結局，今日一個人0係屋企睇返，睇到得得地向常在心求婚果幕，我好感動，呢個世上係咪真係有 d 咁好0既男人呢？如果真係有，點解我得唔到？係咪我根本就唔配有……
呢排我突然發覺，原來我識0既人當中，唔少都係好男人，可能三年入面，已經有 n 個機會錯失左，當然對好男人0既定義，唔同人有唔同睇法，但起碼都係錫女朋友、老婆果 d，我就會諗，點解果 d 女仔會咁好彩，會得到一個咁好0既男人，會唔會係個女仔好靚？又或者好叻？？如果係，我或者可以 upgrade 自己，但如果係講機緣，我諗我呢世都無機會有個男人會咁對我。
呢三年唻，我對一件事都好執著，無論點樣同我想要0既有距離，我都會做好多野盡量做到我想咁，但原來唔 work，用左三年時間我終於明白有 d 野係咁就係咁，無得變，勉強只會令成件事變得更差，呢 d 雖然係老生常談，但唔係真係親身經歷過，係唔會體會到佢0道理。
今日係六月二日，我終於認輸啦，我唔會再執著，我要做返三年前0既我，我唔要唔開心，呢三年發生0既事我會決定唔再記起，今次係真啦，因為我明白到，亦接受一開始我就已經輸左，輸得好徹底……行錯一步，就令三年時間變得白過……
諗返起都真係好後悔。 | | |
| 好耐無寫 xanga 啦，原來都隔左成半年……
自從讀左書之後，時間真係好唔夠用，又咁q地，份工呢期又突然忙左好多，真係做到覺得好好好好好好辛苦，除左早d起身之外，之前我都唔覺得話返工真係咁辛苦，但呢排我真係抖唔氣，所以我已經打算七月要去一次旅行，relax 下先可平衡返。
無法啦，邊個叫我想向上爬，要升職就要有代價。要講0既我都講左，但唔知老細識唔識做，就算俾人話虛榮都係咁話，而家個 title 咁打雜……雖然我做梗0既野一d都唔打雜，但問題係人地一問你做乜，講俾佢地知自己個 post，都係「哦」一聲，我自己就真係「law」爆。
我自問做野真係唔差，算有 productivity 個堆，人工已經唔高，仲要全世界邊度「林」檔我就去頂，我真係覺得自己係個廉工，一個價錢做勻咁多野，雖然我都有野學，但無名無利邊個會做？其實都已經做左三年啦，升個職都唔會好過份呀……
我老細就問返我咩 post 我先 feel comfortable，我都唔知呀，總之要d聽落唔好咁打雜、太過低下層果d啦。
星期六約左班 form 6、7 0既同學吃飯，以前俾佢地杯葛時我成日都諗，第時我一定要風光過佢地，事隔咁多年，初初我聽到呢個活動好開心，終於有個機會，但隔幾日諗深一層，畢業後，我都好似仲係原地踏步，諗到呢度都真係唔係幾想去，但唔去又好似好小氣咁，結果就應承左啦。
而家仲有兩日，唯有盡量節食（因為考試放長假關係，我 day day 吃零食，吃左一個禮拜啦），果日扮靚 d 去，望落去唔使俾人知咁灰…… | | |
| 人生就好似一次長期旅行，每個人都有自己0既旅途，偶然0係某一段路上遇到同自己前往0既方向一樣0既人，好自然就成為左同伴，一齊向前行，但係，咁都唔代表會一直一齊走落去，行到咁上下，身邊0既人可能會跟唔上自己0既步伐，或者係自己走到累，要坐低抖下，因此令大家0既距離越唻越遠，到最後連對方0既身影都見唔到，即使大家步伐一致，到左分叉路口，大家會有唔同0既選擇，跟住大家就揮手道別，同時期望0係下一段路，會遇上一個更好0既伴侶…………
我知道自己已經差唔多去到個分叉路口度………
| | |
| 人天生係有惰性，但我發覺我真係唔係一般0既情性。
無論事業、愛情、其他……都係拖到最後一刻先決定，就算真係殺到埋身，我都只係希望下一秒鍾會有轉機，rather than 我去搵其他出路，所以到左而家，好多野都係想像階段，仲未付諸實行，時間唔等人，我好想去做d事，但又無勇氣去試，一個新0既決定唔代表比現狀更好或者更差，它係一個轉變，無人可以擔保結果係點，諗到呢度，都係安於現狀好……
因為太懶，唔想重新適應一個新0既生活模式…… | | |
| 星期五吃 lunch 時，我地都諗唔到吃乜，其中一個同事突然醒起佢前幾日行過一間新開張0既餐廳，係吃烤羊肉，雖然我唔吃羊，但係總有 d 唔係羊0既野嗌，再加上真係吃平時 d 餐廳吃到悶。
去到我梗係點返我喜歡吃0既牛肉啦，因為佢係 set lunch, 所以有個湯唻先，個湯就咁飲就麻麻地，好薯仔，但滴 d lemon juice 落去，個感覺就唔同晒，好好味呀！果然係有人試過味先拎出唻賣，跟住個飯就唻啦，望落都幾好，一咬落去我就定左，好大陣 so 味，好明顯係羊喎……我以為 order 錯左，問返個 waiter，原來係因為呢度 d 牛肉餅會 low d 羊肉落去整，跟住我就灰左，唯有同事交換 d 肉，雖然個 waiter 都好好人俾我換，不過算啦，費事累人地新開張就 side 左個餐。
總括唻講，呢間都係幾好食0既一間餐廳，我下次都會再去，不過我會同個 waiter 講，走羊肉……
走果陣，先醒起食咁耐都唔知呢間乜餐廳，望下個餐牌，原來係 turkish restaurant 呀……我覺得自己好勁呀……
turish 啊…… | | |
|
